!!!!!!!!!!!!!!!!!!!!!!!!!!!!!!




محمد : شروق هو يعني إيه الواحد يطلع على المعيشة ؟!
أنا : مفيش حاجة أسمها المعيشة !
محمد : بس تيتة قالت لي إن جدو طلع على المعيشة من زمان
أنا : قصدك المعاش ؟
محمد : أيوه هو ده
أنا : يعني لما الواحد يكمل 60 سنة يقولوا له أقعد في بيتكم و إحنا حنديلك فلوس
محمد : مين دول اللى بيقولوا له ؟
أنا : صحاب الشغل
محمد : أهااا ماشي
محمد : طيب هو كل الناس لما بيكملوا 60 سنة بييطلوا شغل
أنا : لأ في ناس بيزودوا سنتين تلاتة و في ناس بيطلعوا معاش مبكر
محمد : يعني أيه معاش مبكر
أنا : مش حتفهم أنت
محمد : ليه يا باردة : ()
أنا متخذة وضع الديفينس : آسفة و الله (تفادياً للضرب )
معاش مبكر يعني بيطل شغل قبل 60 سنة
محمد : أممممم طيب هو حوصني موبارك ده عنده كام سنة ؟
أنا : بتسأل ليه
محمد : بشوفه هيطلع على المعيشة أمتى
أنا : 79 سنة
محمد : ياااااااااااااه و لسة مطلعش على المعيشة
أمال هيطلع أمتى ؟؟؟؟؟؟
أنا : !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
محمد : على فكرة حوسني موبارك ده باباه أسمه حلو "مبارك" بس هو في الحقيقة مش مبارك خالص
أنا : !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

قصه مضحكه Www.mowjeldoha.com-borders-66
أنا : ماما على فكرة في إضراب تاني يوم 4 مايو يوم عيد ميلاد حوسني
ماما : هو كدة حيكمل كام
أنا : 80 سنة تقريباً
محمد (بلهجة الذي لم يري اللحمة منذ زمن فرأي ورك فرخة فاتهبل )
: وااااااااااااااااااااااااااااااااااااااااااو مش ممكن ده جامد جداً
أنا : إيه يابني ؟
محمد :ده كدة يبقي قفل الجيم
أنا : يعني أيه ؟؟
محمد (جالس على الكمبيوتر ) : مش حتفهمي إنتي
أنا (متخذة وضع الأتاك ): ليه يا بارد ؟!

محمد (بكل برود) : أصل إنت ملكيش في الجيمز

أنا : طب فهمني يا اللى ليك في الجيمز
محمد : أصل اللعبة اللى أنا بالعبها دي 80 ليفل
أنا : و اللي بيوصل لليفل الـ80 بيحصلوا إيه ؟
محمد : خلاص بيبقي قفل اللعبة و يبطل لعب و يشوف له لعبة تانية
هو حوسني موبارك مش حيشوف له لعبة تانية ؟؟
أنا : !!!!!!!!!!!!!!!!!!!!!!!!!!!!!!!!!
* محمد أخويا عنده 9 سنين في تالتة إبتدائي